ZIZTADA LEHORRA, ZER DA?

Teknika erdi-inbaditzaile berri bat da, orratzen bidez egiten dena, tratatu nahi dugun muskuluaren sakontasunaren araberakoak direnak. Ziztada lehorra deritzo inolako substantziarik infiltratu gabe orratzak azalean sartzean datzalako.

Fisioterapeutentzat gainera, orratza haztapen-tresnatzat har daiteke. Honek zer esan nahi dauka? Orratzaz baliatuz, honek zeharkatutako ehunetako irmotasun-aldaketak antzeman ditzakegula alegia.

Ziztada-teknikak honela sailkatzen dira: azaleko ziztada eta ziztada sakona. Lehenengo kasuan orratza larruazalpeko ehunean geratzen da, muskulura iritsi gabe, eta bigarrenean ordea, orratza muskuluraino sartzen da.

Teknika honen helburuak mina murriztea, gihardura erlaxatzea eta mugikortasuna hobetzea dira. Teknika honen emaitza kontrolatuek erakusten duten bezala, ehun bigunetako lesioen kasuan erabilgarria da (muskuluak, tendoiak, lotailuak eta kapsula). Lehenengo saiotik aurrera eta 4 edo 5 saiorekin, berreskuratze funtzionala ezin hobea lortzen da.

Noiz erabili baina?

Batez ere, hainbat eremutako mina arindu, giharretako lesioak tratatu (banda fibrotsuak eta muskulu-elongazioa besteak beste), edota tendinopatiak eta buruko eta garezurreko minak tratatu behar direnean erabiltzen dugu.

Zer sentsazio ematen du?

Espasmo lokal bat nabaritzen da, edo beste era batera esanda, muskulu-zuntzean sortutako uzkurdura islatuak nabaritzen dira. Ohikoa da baita ere ziztada-gunean edo eremutik urrun samar dauden eremuetan mina sentitzea. Hala ere, sentsazio guztiz arruntak dira hauek.

Ba al dago albo-ondoriorik?

Litekeena da ziztadaren ondoren inguru horretan hondar-min bat nabaritzea. Ohikoa da hurrengo egunean ezbehar sentsazioa izatea baita ere.